Hindi mapigilan ni Hendrix ang mapatiim-bagang nang lingunin niya ang babaeng katabi na hanggang ngayon ay hindi niya alam ang buong pangalan. Kahit noon pa mang nagtatrabaho ito sa kanila ay hindi niya iyon magawang banggitin dahil sa sobrang haba. Naririnig lang niya itong tinatawag na "Kathleen" ng kaniyang kapatid at ng mga kasambahay nila noon.
"Siguro nga panalo ka ngayon. Pero ito na ang una at huli. Kaya mag-enjoy ka na," nakangisi niyang sabi kahit nakatalikod ito sa kaniya.
Kumunot lalo ang noo ni Hendrix nang wala siyang makuhang sagot mula sa katabi. Inaasahan pa naman niya na papatulan siya nito. Akala niya ay bumubuwelo lang ito, nag-iisip ng pambato rin sa kaniya. Pero lumipas ang mahabang sandali na hindi niya ito narinig, maliban sa munting paghinga nito.
Puno ng kuryo
