"Bakit dito ka huminto? Anong gagawin natin dito?" puno ng pagtataka na tanong ni KMJS kay Hendrix nang tumigil ang sasakyan nila sa isang motel.
Malakas pa rin ang buhos ng ulan sa labas na may kasamang malakas na hangin din. Madilim na rin ang kalangitan na walang tigil sa pagbuhos ng tubig. May bagyo siguro. Hindi lang siya naging aware dahil wala naman silang telebisyon sa bahay ni Tiyo Armando. Hindi rin siya gaanong nakabukas ng social media accounts niya dahil mahina ang signal sa lugar nila.
"Dito na muna tayo mag-stay hangga't hindi pa tumitila ang ulan," wika ni Hendrix habang inaalis ang seatbelt sa katawan. "Pagani na. Mahirap kapag wala tayong matutuluyan."
Halos lumuwa ang mga mata ni KMJS. "Ano?!" Mabilis at mariin na umiling siya. "Ayoko nga! Hindi ako sasama sa'yo diy
