Nagising si Samantha na masakit ang ulo niya. Sa sobrang kalasingan yata kagabi ay hindi na niya naalala ang mga nangyari. Lalo na kung paano siya nakaalis sa bar na pinuntahan niya.
Napangiwi na idinilat niya ang kaniyang mga mata. Bumungad sa kaniya ang pamilyar na kisame. Saglit na kumunot ang noo niya. Para siyang may hang over kaya hindi pa gaanong nagsi-sink in sa isip niya kung nasaan siya nang mga sandaling iyon.
Mabilis na napabalikwas ng bangon si Samantha nang sa wakas ay napagtanto niyang nasa master's bedroom siya. "Paano ako nakauwi dito?" nawiwindang na tanong niya sa sarili at nagpalinga-linga sa paligid para alamin kung may ibang tao ba roon na siyang nagdala sa kaniya sa kuwarto niya.
Nang mabigo siyang makakita mg ibang tao bukod sa sarili ay ipinikit ni Samantha ang
