Nakatayo sa malawak na hardin si Samantha at bahagyang nakasandal sa puno ng champagne palm tree habang yakap ang sarili. Nakatingin siya sa karagatan na naaabot ng kaniyang mga mata. Katatapos lang ng kasiyahan sa mansiyon para sa celebration ng pagdating ng mga bakasyunista. At hindi isang cocktail party na inaasahan niya bago siya pumunta rito.
Natatawang napailing si Samantha nang mapatingin siya sa kaniyang suot. Napaka-formal niya. Samantalang ang mga tao sa isla ay naka-beach attire lang. Feeling niya tuloy kanina ay para siyang nasa hot seat habang nagkakasiyahan sila. Idagdag pa na talagang inulan sila ng tukso ng mga kaibigan ni Jigsaw. Lalo tuloy siyang nakaagaw ng pansin.
Kasalanan ni Cristy ito, eh. Lagot talaga sa'kin ang babaeng iyon kapag nagkita kami. Makukurot ko siya s
