"Alam mo, mas maganda 'to kung may iniihaw tayong isda," natatawang komento ni KMJS habang magkatabi na nakaupo silang dalawa ni Hendrix sa dalampasigan at nagbo-bonfire. Iyon lang ang nagsisilbi nilang liwanag sa gitna ng madilim na gabi dahil wala namang buwan. "Para naman hindi masayang itong kahoy na ginamit natin."
"Oo nga. Siguro gawin natin bukas," pagsasang-ayon ng kaniyang amo at hindi maitago ang excitement sa boses. "What do you think?"
Lumawak ang pagkakahangiti ng dalaga. "Bukas agad? Hindi ka naman excited niyan, Sir Hendrix!"
"Bakit? Ayaw mo ba uli akong makasama rito?" nakangising baling sa kaniya ni Hendrix na ikinailang na naman niya.
Hindi naman kasi ganoon kalayo ang distansiya nilang dalawa. Eksakto lang para makuryente silang dalawa sa tuwing nagkikiskisan ang mga
