"Mag-second cousin ang mga nanay natin kaya mag-third cousin tayo," nakangiting wika ng pinsan ni KMJS na si Kimberly nang sa wakas ay magkita sila nito sa tulong ni Jigsaw. Dahil medyo maselan ang pagbubuntis nito kaya sila na ang nagsadya sa bahay nito. "Nakakatuwa naman na nagkita pa tayo kahit sobrang lawak nitong Maynila. Nakakatuwang malaman na bukod pala sa'kin ay may iba pang nakaligtas sa sumpa." Natawa ito kapagkuwan dahil hindi na nito sineseryoso ang bagay na iyon.
"Masaya rin akong makita ka, Ate Kim." Mas matanda ito sa kaniya ng apat na taon. "Salamat pa rin sa sumpa kasi nang dahil sa kaniya kaya may nakilala pa akong ibang kamag-anak."
"At gano'n din ang mga anak natin." Nakangiti pa rin na nilingon ni Kimberly ang mga anak nila na masayang naglalaro sa malawak na bakura
