Nagising si KMJS nang may maulinigan siyang parang may nag-uusap sa hindi kalayuan sa hinihigaan niya.
"So, how's my wife?" boses iyon ni Hendrix. "Is she okay?"
Kahit medyo mahapdi pa ang mga mata ay pinilit ng dalaga na lakihan ang pagkakadilat ng kaniyang mga mata para ilibot sa paligid ang paningin. Gusto niyang malaman kung naroon din ba si Cucu dahil sa narinig niya kay Hendrix. Ngunit sa pagtataka ni KMJS, walang ibang pasyente sa maliit na kuwartong iyon maliban sa kaniya.
Nasaan si Cucu? At bakit tinatanong pa ni Hendrix kay Dr. Muñoz ang kalagayan nito?
"Ayon sa pagsusuri ko, isa sa mga rason kung bakit madalas siyang mahilo at sumakit ang ulo ay dahil sa pagiging anemic niya," wika ng doktor kay Hendrix. "May nakita akong paninilaw sa balat niya. Medyo irregular din ang hea
