"Hindi pa ba umuuwi ang Sir Teddy at Ma'am Amanda mo?" tanong ni Samantha sa isa nilang kasambahay.
"Hindi pa po, Ma'am. "
"Pati kaninang tanghali?" tanong uli niya sa mukha na may pagtataka.
"Opo, Ma'am. Simula nang umalis sila kaninang umaga ay hindi pa sila umuuwi."
Naalala ni Samantha na ibibili na rin pala ng mga gamit ni Teddy si Amanda. Mukhang napalaban ito sa pagsa-shopping, ah. Huwag naman sanang i-take advantage ng kapatid niya ang kabaitan nito.
"Okay, Rita. Salamat."
"Walang ano man po, Ma'am Samantha. Babalik na po ako sa trabaho ko." Tumango lang siya at umupo muna sa sofa bago umakyat sa master's bedroom.
Isinandal ni Samantha ang pagod niyang katawan sa backrest ng upuan. Ipinikit niya ang mga mata habang hinihilot ang kaniyang sentido.
Maghapon kasi siyang gumaw
