Hindi namalayan ni KMJS na napapikit pala siya habang hinihintay na lumapit ang mukha ni Hendrix sa mukha niya. Napag-alaman na lang niya iyon nang magsalita uli ito.
"Kailangan pa ba kitang puwersahin para lang sabihin mo sa'kin kung ano ang ginagawa mo rito at kung paano ka nakarating dito?" mariin na tanong ng binata at mahigpit na hinawakan ang braso niya.
Dahan-dahan na nagmulat ng mga mata si KMJS. Natakot kasi siya sa ideyang napakalapit pa rin ng mukha nito sa mukha niya at langhap na langhap niya ang mainit nitong hininga na tumatama sa kaniyang mukha. At nang maidilat niya ang kaniyang mga mata at nagsalubong ang tingin nilang dalawa ni Hendrix, pakiramdam niya ay nanuot sa buong katauhan niya ang mga tingin nito. His eyes were so sharp but there was nothing in the way he looke
