One year later...
Nagising si Ice nang marinig niya ang munting pag-iyak ng sanggol. Mabilis siyang bumangon at bumaba sa kama ng mabosesan ang anak. Dali-dali niyang tinungo ang crib at kinuha mula roon ang halos dalawang buwan pa lang niyang anak na lalaki na si Verex. Napakaliit pa lang ng mga braso at mga binti nito. Kung titingnan, parang nakakatakot na hawakan. Lalo na nang malalaking kamay ni Ice. Nakakatakot na baka masaktan niya kapag napahigpit ang pagkakahawak niya. Masiyado pa namang malambot ang balat nito.
Kahit naririnig na niyang umiiyak ang anak ay hindi agad ito nagawang kargahin ni Ice. Nanatili lang siyang nakatitig dito at pinag-aaralan muna niyang mabuti kung paano ito kargahin na hindi niya masasaktan. Kahit halos dalawang buwan nang siya ang nag-aalaga sa anak ay
