Dahil patuloy pa rin ang pagbuhos ng malakas na ulan kaya hindi pa rin makalabas sina Samantha at Jigsaw para bumili ng makakain. Nagpasya silang magpa-deliver na lang ng pagkain at sagot na naman nito. Kahit anong pilit ni Samantha na bayaran niya lahat ng mga utang niya rito ay hindi ito pumayag.
"Just save it for our future," nakangising wika ni Jigsaw nang matapos silang kumain at inabutan niya ito ng pera ngunit ayaw pa rin nitong tanggapin.
"H-ha?" nahihiwagaan niyang tanong sa winika nito.
Jigsaw laughed. "I mean, itabi mo na lang para sa susunod nating pagkikita. Utang mo iyan sa'kin. Para kapag nagkita uli tayo at ako naman ang walang pera, ako naman ang ililibre mo," puno ng kumpiyansa na wika nito.
"Talagang tiwala ka na magkikita uli tayo, huh?"
"Oo naman. Dahil naniniwa
