SAVANNA'S POV
SA sobrang hiya ko ay nauna pa akong pumasok sa loob. Nag-ala Flash ako nang matarantang inayos ang ilang mga gamit na nagkakalat sa sala at agad na pumasok sa kuwarto.
Bakit parang kontrolado ni Aldrich ang mundo ko ngayon? Matapos mangyaring halikan niya ako, ito ang gagawin niya sa akin? Omg! Paano kung sabihin niyang fake jowa niya ako? Paano kung malaman nina Nanay na CEO si Aldrich? No! Hindi puwedeng malaman ni Nanay ang ugnayan naming dalawa.
Dahan-dahan akong lumabas ng kuwarto, inayos ang sarili at saka ngiting asong nilapitan si Aldrich na naupo sa sala.
"Aldrich..." usal ko sa pangalan niya.
Tumingin siya sa akin na para bagang inosenteng pinapasok lang siya ni Nanay.
"Kung may balak kang sabihin sa kanila, parang awa mo na, h'wag mo nang gawin," aniko sa
