"Alam mo Mr. Leonardo. I like you as man. Isa kang mahusay pagdating sa negosyo. Galing ka sa kilalang pamilya. Aaminin ko ring malaki ang naitulong mo sa pagkapanalo ko sa bayan na ito," litanya ni Mr. De Guzman.
"Salamat po," pasalamat n'ya. Kinakabahan s'ya. Buong buhay n'ya si Ysa at ang pamilya palang ni Ysa ang nagpakaba sa kanya ng ganito.
"But hijo," bitin nito sa ere.
Sinulyapan n'ya si Zandro na ganoon pa rin ang mukha. Hindi malaman kung galit o galit na galit sa kanya. Si Mrs. De Guzman naman nakatingin sa asawa nito. Inaabangan ang susunod nitong sasabihin. Hindi naman s'ya mapakali sa kinauupuan.
"Kung gagamitin mo lang ang anak ko sa pansarili mong interes Mr. Leonardo. Sorry to say na hindi kita hahayaang makalapit sa anak ko," taas ang mukhang sabi ni Mr. De Guzman sa
