"Nagdadala ka na pala ng babae mo dito sa opisina," nakangising sabi ni Marcus sa kanya nang maiwan na silang dalawa sa loob.
Humugot siya ng malalim na paghinga.
Hinawakan ang pisnging sinampal ni Ysa kanina.
He couldn't believe na may babaeng sumampal sa kanya.
At ang isang tulad pa ni Ysa De Guzman.
"Akala ko ba pag trabaho, trabaho," patuloy ni Marcus. "Hindi pwedeng ipagsabay ang trabaho at babae."
Sinulyapan niya ang pinsan at iniling ang ulo.
Isa si Marcus sa tatlong lalaking pinsan niya.
Anak ito ng nag-iisang kapatid ng Papa niya.
Kilala rin si Marcus Leonardo sa larangan ng negosyo.
Iba't ibang negosyo ang meron ang mga pinsan niya, pero si Marcus ay nasa larangan din ng sasakyan.
Pareho silang C.E.O sa kani-kanilang mga negosyo.
Matanda lang s
