Chapter 16
Magnus Othello's P. O. V.
Ang gaan sa pakiramdam na alam mong may gagawin ka sa araw-araw at gusto mo 'yon. Araw-araw ko nang ihahatid si Morana sa school niya at ang saya na makita ang ngiti niya habang nagpapasalamat sabay kaway sa akin pagkababa ng kotse ko.
'Yong uuwi ako sa condo na makikita ko si Thana at mayayakap ko siya. Lahat ng pagod ko ay napapawi niya. Hindi ko kailan man naramdaman ito noon kaya ngayong nararamdaman ko na, parang ayoko na magbago pa.
Nakarating ako sa office at nagulat ako nang makita ko si Dad sa loob ng opisina ko.
"Magnus!" sigaw niya at padabog na binagsak sa lamesa ang mga papel na hawak niya.
"What now, Dad?" kalmado kong tanong at lumapit sa kaniya.
Sinarado ko ang pinto at nakita kong nakatingin sa akin ang secreta
