"SO, boyfriend mo pala ang Nicolo Gonzales na iyon."
Napaawang ang bibig ni Jeany nang marinig ang sinabi ni Tiya Selena nang puntahan siya sa basement ng bahay na pinagkulungan sa kaniya. Ang basement na nagsilbi niyang kuwarto sa loob ng maraming taon.
Sa lugar na iyon na nagising si Jeany pagkatapos siyang painumin ng pampatulog ng kaniyang tiyahin. Pagkagaling ng airport kanina ay sa bahay siya nito dumiretso para sana mangumusta. Naging maayos naman ang pagtanggap sa kaniya ni Tiya Selena. Pinainom pa nga siya nito ng juice. Iyon pala ay para patulugin at bihagin siya.
"P-paano n'yo po nalaman, tiya? Nandito ba si Nicolo?" tanong ni Jeany.
"Nasa labas siya kanina at hinahanap ka. Pero natural, hindi ko sinabi sa kaniya ang totoo."
Napakagat-labi si Jeany. Naaawa siya kay Nicolo
