PARANG mababaliw na si Nicolo sa kahahanap kay Jeany. Pati ang mga kaklase na alam niyang kalapit ng nobya ay tinawagan na rin niya. Pero lahat sila ay walang alam sa kinaroroonan nito. Matatapos na ang araw na hindi pa rin niya nakikita o kahit natatawagan man lang ang nobya.
Isang paraan na lang ang alam ni Nicolo na puwedeng magturo sa kinaroroonan ni Jeany. Kaagad niyang tinawagan ang kaibigan na may-ari ng isang malaking telecommunication company sa bansa na si Sam Walker.
"Hello, pare. Can you do me a favor, please? Nawawala kasi si Jeany at hindi ko makontak dahil nakapatay ang cellphone niya. Gusto ko sanang i-track kung sino ang huli niyang nakausap sa cellphone. At kung saan ang location niya ngayon."
Nagulat si Sam sa ibinalita niya pero hindi ito tumanggi. "Give me a minut
