"BUT she is still your mother, Nicolo! Kaya mo bang magpakulong ng sariling ina?"
Napahinto sa pagpasok sa sala ng mansiyon ng mga Gonzales si Jeany nang marinig niya ang pagtatalo ng mag-ama. Kadarating lang nila ni Nicolo mula Cebu. At kaagad nilang pinuntahan ang ama nito para kausapin tungkol sa ginawa ni Mommy Ichika. Wala siyang balak na pakinggan ang pag-uusap ng mga ito. Ngunit nang dahil sa curiousity kaya natagpuan na lang ni Jeany ang sarili na nakatayo sa likod ng poste.
"You know I love her, dad!" ganting sigaw ni Nicolo. "Pero ipinahamak niya ang babaeng mahal ko. At kung hindi pa ako dumating, siguradong napatay na si Jeany ng sarili niyang tiyahin."
"She just wanted to protect you. Natatakot lang siya na maulit ang nangyari sa inyo ni Gwen kaya naniniguro siya kay Jeany
