"NGAYON mo ipaliwanag sa'kin kung paano ako nakarating dito sa Paris. At kung ano ang totoong nangyari sa parking lot," kunwari may pagbabantang utos ni Jeany kay Nicolo.
Nasa rooftop pa rin sila at magkatabing nakaupo habang pinapanood ang unti-unting pagkaubos ng fireworks sa kalangitan. At bago iyon tuluyang nalusaw, lumabas doon ang mga salita na: Thank you so much, my future Mrs. Gonzales. Lumabas din ang mga salitang iyon sa isa pang banner na nahulog mula sa chopper, at sa mga digital billboard.
Napangiti si Jeany habang ninanamnam pa rin ang napakaromantikong paligid. "Thank you rin, my future Mr. Gonzales. Dahil ipinaranas mo sa'kin ang lahat ng ito. Never in my wildest dream na inisip kong maranasan ko ang ganito."
Kinabig siya ni Nicolo at marahang pinisil ang kaniyang bali
