HABANG magkatabing nakaupo sa sala at nanonood ng television ay napansin ni Jeany na walang kibo si Nicolo. Nakaakbay ito sa kaniya pero parang malayo ang tingin. Iniisip niyang baka hanggang ngayon ay malungkot pa rin ito dahil sa nangyari sa party.
"May problema ka ba, Sir Nic?" hindi nakatiis na tanong ni Jeany.
Binalingan siya nito at tiningnan sa mga mata. "I will be out of the city for one week, my angel. May misyon kami sa Guimaras. Pero ayokong iwanan ka rito at baka kung ano na naman ang gawin sa'yo ni Mommy kaya isasama kita. Ihahanap kita roon ng safe na tirahan habang nasa misyon ako."
Hindi iyon gaanong ikinagulat ni Jeany. Naiintindihan niya ang pag-aalala ng nobyo.
Isang linggo na rin simula nang magkagulo noon sa party. Inatake sa puso si Don Henry at na-paralyze ang ka
