"OKAY lang ba kung hindi na ako sasama?" tanong ni Jeany kay Nicolo nang sabihin nito na pupunta raw sila sa wedding anniversary ng mga magulang nito sa darating na Sabado. Isang linggo na rin silang nakabalik mula sa Paris.
"Kung gan'on, hindi na rin ako pupunta." Umupo ito sa tabi niya at inakbayan siya. "Wala rin naman talaga akong balak na um-attend, eh. Dahil iniiwasan ko na magkaharap at magkagalit kami ni Mommy, katulad nang sinabi mo. At siguradong makikisawsaw na naman si Kuya Haru. Pero iniisip ko si Dadddy. For sure, magtatampo 'yon." Binalingan siya ni Nicolo. "At mas magtatampo iyon kung hindi ka pupunta sa anniversary nila."
Natigilan si Jeany. Hanggang ngayon ay sariwa pa rin sa kaniya ang sinabi noon ni Don Henry, na hanggang ngayon ay inililihim pa rin niya kay Nicolo pa
