MALAKAS and buhos ng ulan nang lumabas ng restaurant si Jeany. Mabuti na lang at coding siya ngayon kaya wala siyang dala na sasakyan. Binabaha ang kalsadang dinadaanan niya kapag ganitong malakas ang ulan. Natatakot sa kulog at kidlat si baby Nico kaya inagahan niya sa pag-uwi.
Pagkalabas pa lang ng pintuan ay napansin na kaagad ni Jeany ang lalaking nakaupo sa waiting shed na nasa tapat ng restaurant. Nakasandal ang ulo nito sa poste at mukhang natutulog. Nanlaki ang kaniyang mga mata nang malamang si Nicolo iyon.
"Chef Jean, kanina pa po kayo hinihintay ni Sir Nicolo. Nariyan na siya bago pa man bumuhos ang ulan," sabi ng security guard ng restaurant na si Armand.
Ilang beses na rin nakapasok sa My Angel Restaurant and Catering Services si Nicolo at ipinakilala na niyang ama ng kani
