WALANG pasok nang araw na iyon si Jeany at ganoon din si Yule kaya nagyaya ang huli na ipapasyal daw nila sa mall si baby Nico. Pagkatapos kumain ay dinala nila ito sa isang pambatang fun house. Habang naghihintay silang dalawa ay may naisipan si Jeany na itanong sa kaibigan.
"Bakit hindi mo sinabi sa'kin na matagal na palang alam ni Nicolo na may anak kami? At matagal na silang nagba-bonding ni baby Nico sa video call?"
Parang hindi naman nagulat na nilingon siya ni Yule. "Mabuti naman at nagkalakas ng loob na siya na sabihin iyon sa'yo. Maraming beses ko na noong sinabi sa kaniya na kontakin ka at sabihin sa'yo. Pero lagi siyang walang guts, eh. Natatakot siya sa'yo."
Si Jeany ang nagulat sa narinig. "Bakit walang guts? Alam natin pareho na hindi gano'n ang isang Nicolo. He's strong a
