LINGGO at pahinga ni Jeany sa restaurant. Inilalaan niya ang buong araw na iyon para kay baby Nico. Pagkatapos nilang magsimba ay ipinapasyal muna niya ito. At iyon ang balak niya na gawin nang araw iyon.
Paalis na sana silang mag-ina, kasama ang yaya na si Faye, nang biglang dumating si Nicolo. Sandaling nailang si Jeany nang maalala ang muntik nang mangyari sa kanila noong nakaraang araw.
"Papa! Dada!" tuwang-tuwa na pumalakpak si baby Nico nang makita ang ama. Kaagad nitong iniabot ang dalawang kamay para magpakarga.
"Paalis ba kayo?" tanong ni Nicolo pagkatapos kunin sa kaniya ang anak nila.
"Oo. Magsisimba sana kami at mamasyal pagkatapos. Ganito ang madalas naming bonding tuwing Sunday, eh."
Hindi kumibo si Nicolo. Ngunit ramdam ni Jeany na gusto nitong sumama pero nahihiya lan
