"Bakit? Dahil ba sa babaeng ito?" galit na itinuro ni Zara ang kasama ng binata.
Kaunti nalang at maiiyak na si Savannah.
"Dahil sa babaeng ito kaya hindi mo kami mapanagutan ng anak mo?" idinuro siya ng impakta.
"Anak mo, Zara. Anak mo lang." muli ay giit ni Justin.
Hindi siya tinigilan ni Zara. "Hoy, babae. 'Yang lalaking kinakalantaran mo ay may anak nang tao, para lang malaman mo!"
Naramdaman niya ang paghawak ni Justin sa kamay niya. "Don't believe her, Sav. She's just a pathetic liar."
Pakiramdam ni Savannah ay ilang sako ng bigas ang karga niya dahil sa bigat ng nararamdaman. "Hindi nga ba talaga?"
Kapwa natigilan sina Zara at Justin sa tinuran niya.
Hinarap niya ang binata. "Isang tanong, isang sagot, Justin. You had an intimate affair with her eight years ago?"
"Baby..."
