CHAPTER 45
TUMINDIG si Manong Eskobar saka tumakbo palabas ng safe zone.
“S-Sandali lang po!” sigaw ni Xavier nang makita niya ito saka siya sumunod dito. Pagdating niya sa labas ay tanaw niyang sinusundan ng matanda ang mga sundalo. Agad niyang nilapitan ito, hinawakan ang braso at hinila.
“Delikado sa labas kaya bumalik na tayo sa safe zone.”
Humarap si Manong Eskobar dito pagkuwan ay natantuan ni Xavier ang balisa nitong mukha.
“Nag-aalala ako sa kaligtasan nina Heron kaya kailangan ko silang puntahan!” sigaw ng matanda saka tinanggal ang pagkahawak nito sa braso niya.
“Kaya na ng mga sundalo ni General Elias na sagipin si Heron. Marami din silang dalang armas at saka may acid fog din sila.”
“Acid fog?”
“Opo. Kaya h’wag ka nang mag-alala dahil sigurado akong maliligtas nila si H
