Chapter Twenty-four
"Kahit pa nakasal na iyan ay hindi maitatanggi na malandi siya at muntik pang masira ang pangalan ng kakambal niya dahil sa kanya," isa iyon sa comment na binasa ko habang nakahiga sa kama. Kagigising ko lang, pero cellphone agad ang inatupag dahil wala pa sa mood bumangon. Comment iyon sa isang article na ang nilalaman ay ang engrandeng kasal namin ni Governor Rusco Claverra.
"Tama! Bwisit na babae iyan. May pavideo-video pa. Kalandian. Muntik pang masira ang pangalan ni Miss Carrie."
Hindi nga sira ang pangalan ni Carrie, sirang-sira naman iyong akin.
"Hays! Okay lang, at least may 70 million."
Napabungisngis ako. Nasisiraan na yata ako ng bait. Itinatawa ko na lang iyong mga masasakit na salita, habang iyong mga salita kay Carrie ay parang sinasamba na siya.
"M
