Chapter Fifty-one
"Iyang mga Claverra na iyan ay mga playboy," itinuro ni mommy ang mga matatandang Claverra na nag-u-umpukan. Pare-pareho silang may mga hawak na kopita. Seryoso ang mga mukha. Kasama roon ang daddy ni Rusco. "No'ng mga binata pa sila... mga sakit sa ulo ng mga magulang. Aba'y bago ang happy ending namin ng daddy ni Rusco ay nataguan ko pa iyan ng anak... mga 5 days lang. Kasi nakalimutan kong itago iyong pregnancy test kit na ginamit ko, nakalimutan ko ring i-clear ang traces sa laptop na ginamit ko no'ng nag-book ako ng flight. Nasundan tuloy ako."
"Masaya naman po kayo?"
"Sa marriage ko with that man? Hija, sobrang saya ko. Napuno ng misunderstanding iyong simula namin bilang magkasintahan. Sobrang daming challenges. Sobrang dami ring babae na gustong agawin iyang la
