Chapter Fifty
Pagod na pagod ako. Ang katawang lupa ko'y bagsak sa ibabaw ng lalaki. Malinis naman na ang katawan namin, pero hindi pa rin nakuhang magbihis. Tanging kumot lang ang cover namin, habang si Rusco ay maingat na hinahaplos ang likod ko.
Umuulan pa rin. Kaya malamig, pero sapat naman ang init ng katawan ni Rusco para hindi ako lamigin. "Nagri-ring na naman ang phone mo," ingit ko rito. Nakapikit na kasi ako't inaantok. Nakakairita iyong tunog.
"Tumatawag si Carrie, baby," bulong nito sa akin.
"Go on, answer it."
"Anong sasabihin ko?"
"Lambingin mo. Kausapin mo para hindi magduda."
"Ayaw ko, Garrie."
"Do it, Rusco. Lambingin mo---"
"Ikaw lang ang gusto kong lambingin," giit nito. Nagmulat ako ng mata at tinignan ito.
"Answer it. Mas lalo siyang magdududa kung iiwas ka p
