Chapter Thirty
Bati na kami ni Sassy. Kahit daw may salary increase siya, at bonus na 51k, ay feeling daw niya ay lugi pa siya. Pero no choice na raw naman siya, kaya bati na lang kami.
Ngayon ay nasa biyahe kami. Papunta kami sa capitol, magdadala ng lunch.
Alam ni Rusco na pupunta kami, pero hindi niya alam kung anong lunch ang dala namin.
Hawak-hawak ako ni Sassy habang naglalakad kami sa parking lot. Nakabuntot si May at Lay sa amin. May mga nakakasalubong kami na napapatingin pa sa amin. May mga nag-aangat ng kilay, pero sa tuwing nahuhuli ko silang gano'n ay nginingitian ko lang.
Pagsakay namin ng elevator ay may mga nakasabay pa kami na bigla na lang nagkakatinginan sa tuwing nakikita akong naroon.
"Bulong pa! Isumbong ko kayo kay gov," mataray na ani ni Sassy. Natakot ya
