PANAY ang buntonghininga ni Maya habang nagmamaneho ng tricycle. Hindi na siya nilubayan ni Karla ng tanong kung kailan sila magpapakasal ni Yoshin sa Italy. Excited pa itong sasama. Hindi niya ito kinausap hanggang makarating sila sa beach.
“Uy, Ate Maya! Totoo ba ‘yon? Ikakasal pa kayo ni Kuya Yoshin sa Italy?” muling usig ni Karla. Hindi na ito maka-move on at narinig na rin ni Boyet ang usapan dahil halos kasunod lang nila ang mga itong dumating.
“Ikakasal sa Italy?” untag ni Boyet, hanggang sa narinig na rin ng kanilang ina at tiyahin.
“Ay, may second wedding pa pala! Siyempre, dapat kasama kami riyan, Maya!” ani Josie.
Kitang-kita sa mukha ng pamilya niya ang galak. Na-stress na siya.
“No, we will not get married in Italy,” bigla’y sabad ni Yoshin.
Napalis ang ngiti nina Karla
