KINABUKASAN ng Sabado ay sinulit nila Maya ang pamamasyal dahil Linggo ng madaling araw ay babalik na sila ng Maynila. Naghanap pa rin sila ng binibentang beach front property. May nakita silang property at merong one hectare ang lawak. Sinuwerte sila at naroon ang may-ari.
“Marami na pong nagtanong at gustong bilhin ang lupa kaso sobrang laki ng tawad, hindi pumayag ang anak ko,” sabi ng matandang lalaki. Nasa pampang sila ng dagat kung saan may bangka na ginagamit sa pangingisda.
“Magkano po ba ang presyo n’yo sa property?” tanong niya naman.
“Sabi ng anak ko na nasa Canada, fix na raw ang ten million. Tinaasan na namin kasi may kalsada na papasok dito at maayos na rin ang titulo ng lupa.”
“Ten million in pesos, right?” ani Yoshin.
“Yes, sir,” turan naman ng ginoo.
“I will buy it,”
