HINDI na tinagalan ni Maya ang pagbabad sa mga damit. Kaagad niya itong binanlawan. Atat na si Yoshin magpagupit at naghihintay na sa may swimming pool area. Uunahin muna niya ito bago ang kan’yang sarili.
Dapat ay magpasalon pa siya pero mas gusto niya na kulot ang kan’yang buhok. Bumili lang siya ng pangkulay na ash brown. Nag-text na lamang siya kay Boyet at sinabi na sa iba na sila bibili ng bakang kakatayin. Ayaw ni Yoshin na papatay sila ng alagang hayop.
Inabisohan na rin niya si Boyet na huwag ipagkakalat ang nalalapit niyang kasal. Mga malalapit na kamag-anak lang ang inimbita nila at tiniyak na hindi makarating sa mga tsismosa. Karamihan ay sa side ng nanay niya ang naimbeta nila dahil mababait. Iilan lang sa kapatid ng tatay niya ang naimbeta, iyong close nila. Nasa ibang bans
