NAYAYAMOT na lumabas ng bahay si Maya at pinuntahan si Yoshin sa tindahan. Kausap ito ni Boyet habang inaayos ang mga isda sa malapad na styro foam na merong mga tipak na yelo.
“Yoshin, halika ka nga rito,” may gigil niyang tawag sa binata.
“Why?” tanong pa nito.
“Basta, halika muna!”
“Luh! Ang aga-aga mainit ang ulo mo, Ate,” ani Boyet.
Hindi niya pinansin ang kapatid. Hinila niya sa kanang braso si Yoshin hanggang makalabas sila ng tindahan. Pinakita niya rito ang cellphone na hindi na niya maintindihan.
“Ano’ng ginawa mo rito sa cellphone ko? Bakit hindi mabuksan ang ibang mensahe at late ang pasok ng mensahe, eh malakas namana ng signal? At saka hindi mabuksan ang ibang mensahe,” usig niya rito.
“I blocked some unimportant contacts to avoid them disturbing you. It’s just tempora
