UMUWI din ang mag-amang Mang Ador At Darwin matapos makapagluto ng ginoo. Sila na lang na naiwan ang sama-samang kumain. Naghatid lang si Boyet ng ulam sa bahay nila.
Habang kumakain ay pansin ni Maya ang damit na suot ni Yoshin. Bago ito, long sleeve na itim na medyo makapal, turtle neck pa kaya walang makitang tattoo. Tagung-tago na ang tattoo nito.
Kinalabit niya ito at binulungan. “Saan mo binili ang damit na ‘yan?” tanong niya.
“In the market,” tipid nitong tugon. Nagkakamay na itong kumain at sarap na sarap sa caldereta. Tinikman din nito ang papaitan pero hindi nito gusto.
“Hindi ka ba naiinitan?”
“It felt hot inside, but it’s better than exposing my tattoos.”
Nawindang siya. May reason naman pala ang pagsuot nito ng ganoong damit, bagay na bihira nito isuot. Mas madalas suit
