PAGKATAPOS ng duty ni Maya sa bar ay tumambay pa siya sa apartment nila Even. Mag-isa na lang ito roon dahil lumipat na ang kuya nito at live-in partner. Sabay ang labas nila ni Even sa trabaho at niyaya rin si Marlon. Nagkape lang siya at bumili ng Spanish bread bilang almusal.
“Aalis kayo ni Yoshin papuntang Italy, Maya?” gilalas na untag ni Even.
Nagtipon sila sa harap ng round table. Kumain din ng tinapay si Marlon pero hindi nakisawsaw sa usapan nila ni Even. Takot din itong madulas ang dila at baka mabanggit ang mafia habang kausap si Even.
“Oo, pero after two weeks pa. Magre-resign na muna ako sa trabaho,” sabi niya.
“Ano? Sabi mo saka na kapag nagawa na ang bar ninyo? Iiwan mo na pala ako,” may hinampong sabi in Even.
“Puwede ka na rin mag-resign. Magtrabaho ka sa amin ni Yosh
