ALAS-ONSE na ng gabi nakabalik ng kubo sina Maya at Yoshin. Umuwi na rin ang grupo ni Darwin matapos niya maibigay ang premyo ng mga ito. Pahinga sila kinabukasan kaya may oras silang gumala. Nakatulog kaagad si Yoshin matapos maligo.
Kinabukasan ay nagpasya ang pamilya ni Maya na mag-outing silang mag-anak ay ipasyal si Yoshin sa magagandang tourist spot. Pagkakataon na rin nila iyon upang maigala ang nanay niya. Maagga siyang nagising at naghanda ang babaunin nila dahil maghapon sila sa dagat.
“Do I need to go with you?” nag-aalangang tanong ni Yoshin.
“Oo naman.”
“Is it okay with your mother?”
“Ano ka ba? Bisita ka namin kaya dapat ipasyal ka sa ibang parte ng lugar. Matitikman mo ang iba’t ibang pagkain na dito lang niluluto. Maghanda ka na ng damit mo kasi maliligo tayo sa dagat.
