HABANG kumakain ng tanghalian ay nakamanman pa rin sa paligid si Maya. Hindi rin kasi mapakali si Yoshin. Nahahalata na sila ni Boyet kaya panay ang siko niya kay Yoshin para ma-distract. Magaling pa naman mag-observe si Boyet. Maging ito ay napapamasid sa paligid.
Sa dami ng tao sa resort ay mahihirapan silang matukoy kung sino ang tauhan ng lolo ni Yoshin. Anito ay may mga pinoy rin umanong agent ang lolo niya. Malamang ay ang mga ito ang inutusan upang magmanman sa kanila.
“May problema ba, Ate?” tanong ni Boyet nang maiwan silang dalawa sa lamesa.
Nahihilo ang nanay niya kaya kumuha sila ng isang air-conditioned room. Sinamahan na ito nina Karla at kan’yang tiya. Si Yoshin naman ay may kausap sa cellphone malapit sa dagat kasama si Bernard.
“Wala naman, bakit?” maang niya.
“Pansi
