Bumuntong hininga siya saka ako nilapitan. Hinila niya ang kamay ko at naglakad siya ng tuloy-tuloy papasok sa elevator.
"Ano ba!" asik ko.
"Goodluck!" sigaw sa kaniya ng mga kaibigan niya. Si Pia naman ay tinatawag ang pangalan niya sa naiinis na tono.
Akin na muna ang fiancee mo, ani ko sa isip-isip ko.
"Saan mo ba ako planong dalhin?" wika ko sa masungit na tono. Hinila ko ang kamay ko mula sa kaniya.
"Marami tayong pag-uusapan," aniya.
"Puwede tayong magpa-conference meeting," wika ko. Tinignan niya ako ng seryoso kaya naman nag-iwas ako ng tingin.
"Walang kinalaman ang kompanya sa pag-uusapan natin," sagot niya.
"Gano'n ba? Ang kompanya kasi ang pinunta ko." Binalik ko sa kaniya ang tingin ko saka nakipagmatigasan ako ng titig sa kaniya.
"Pag-usapan natin ang kompanya
