"Nakita mo ba ang mukha ni Alwin kanina habang nakatanaw siya sa atin?" tanong ni Ate Angel sa akin. Bumuntong hininga ako at winaglit ang imaheng iyon ni Alwin sa aking isipan.
Makikitaan ang mukha niya ng samu't-saring ekspresyon-- pagkabigo, lungkot at pangungulila?
Ano ba ang kailangan niya sa akin at gusto niya akong kausapin?
"Mukhang tama ang Kuya Jake mo," ani ate. Tinignan ko siya at kinunotan ng noo.
Sa kanila na ako sumabay dahil nagkainitan si Alwin at Tristan kanina. Nagpapasiklaban sila kung kanino ako dapat sumabay.
"She's mine, so back off," singhal ni Alwin kay Tristan. Pagak na natawa si Tristan.
"Noon, pero ngayon. Akin na siya," mapang-uyam na sagot ni Tristan.
Mabuti na lang at hindi nakarating sa labas ang away nila na 'yon dahil kung hindi katakot-takot n
