Mhina
Dumating na siya.
"Daemon..."
Ilang sandali akong nakatitig lamang sa kaniya. Malaki din ang ibinagsak ng katawan niya. Humpak ang magkabila niyang pisngi at nanlalalim ang mga mata niya.
Marahil ay dahil sa pagluluksa nila ngayon at pag-aalalay niya kay mommy Mona.
"Anong gagawin mo? Bababa ka ba? Haharapin mo ba siya?"
Napalingon ako kay Ana sa tanong niyang 'yon ngunit hindi ko siya magawang sagutin.
"Kung ako sa iyo, pupuntahan ko na."
Kay ate Joan naman ako ngayon napalingon. Nakangiti siyang lumapit sa akin at hinawakan ang mga kamay ko.
Sa halos isang buwan ko siyang nakakasama at nakikilala sa bahay na ito ay masasabi kong napakabuti din niyang tao. Inaalagaan din niya ang mga anak ko. Masipag at napakasinop niya sa mga gawaing-bahay. Kaya masuwerte din si Kuya M
