Nakasimangot ako habang kinain ang champoradong aking niluto kaninang umaga. Marami kasi ang aking nailagay na bigas at sayang naman kung mag-aksaya ako ng pagkain gayung wala pa akong balak umalis ng bahay. Kaya ang nangyari, mula almusal hanggang dinner ay champorado lang ang laman ng aking tiyan. Nangangasim na nga, eh.
Pagkatapos maghapunan ay nanood muna ako ng isang pelikula ni Andrew E kasi bet ko mga movies niya. Hindi kasi OA ang pagpapatawa ng naturang komedyante kaya kahit mag-isa lang ako ay halos mapuno ang bahay ng aking halakhak.
Iyong tawa na kaagad nawawala kasi hindi ako masaya, pinilit lang upang hindi maiyak dahil sa mga nangyari. Ayokong magtanim ng galit sa kapwa tao talaga pero parang may namumuong galit sa aking dibdib na kahit anong p
