"Dito na muna ako matutulog, sasamahan ko kayo ni Zaiden," sabi ni Zayn ng gabing pumasok ito sa silid n'ya at may bitbit na unan. Lumakad ito papasok sa loob. At inilagay ang dalawang unan sa may sofa. Baka doon ito matutulog.
Halos dalawang linggo na rin mula ng makalabas s'ya ng ospital. Ok na ang pakiramdam n'ya, bumalik na ang lakas n'ya. Medyo nahihirapan lang s'ya kay Zaiden, nagpapa breast feed kasi s'ya para siguraduhing masustansya ang kinakain ng anak. Madalas napupuyat s'ya sa bata.
"Baka puyatin ka ni Zaiden," sagot n'ya kay Zayn ng lumapit sa kama kung saan nakahiga si Zaiden na masarap na ang tulog, s'ya naman ay nakaupo sa gilid ng kama.
Hindi nakaligtas sa kanya ang pagsulyap ni Zayn sa suot n'yang manipis na pantulog. Wala s'yang bra, dahil nga nagpapadede s'ya. Isa p
