DAHIL nga sa pagod kaya nakabalik uli sa pagtulog si Sky Jewel. Napahimbing pa nga. Kaya mataas na ang sikat ng araw nang magising siya.
Hinilamos niya ang sariling mga palad sa mukha kasabay ng paghihikab niya. Umunat siya at tumingin sa katabi. Si Reese naman ngayon ang wala na sa higaan nito.
Bumaba siya ng kama. Naglinis at nag-ayos muna siya ng sarili bago tumawid sa kuwarto niya para magpalit ng damit. Pagkatapos ay bumaba si Sky Jewel. She felt hungry. Dinig na dinig na niya ang pag-alburuto ng kaniyang tiyan.
At sino ba naman ang hindi magugutom nang ganoon kung pati sa pag-shower nila nang sabay ni Reese kanina ay inangkin din siya nito?
Ngingiti-ngiti na napailing na lang ang dalaga habang pababa ng hagdan.
Dumiretso muna siya sa kusina upang ibsan ang pagkalam ng kaniyan
