“Sinabi ko na kasing ‘wag mo na s’yang kausapin, sissy! Gan’yan tuloy nangyari sa labi mo!” nagaalalang saway sa ‘kin ni Klark habang bumibiyahe na kami pabalik sa mans’yon ni Levai. Hindi na ako nakapag-paalam ng maayos kay Historia pero ‘di bale na, si Klark naman ang gumawa no’n. Kanina nu’ng nandoon pa ako sa office ni Kuya Logan, tumayo agad ako sa pagkakaupo sa sahig at tumakbo palabas.
“’Wag natin ipaalam kay Levai na nakipagkita tayo kay Historia. Sasabihin na lang natin na bumisita tayo sa mga magulang mo. Kapag binanggit natin sa kan’ya ang totoong lakad natin ngayon, malalaman n’ya ang tungkol sa sugat sa labi ko,” marahang sambit ko sa kan’ya habang naka-titig lang ako sa labas ng bintana.
“At ano naman ang irarason natin d’yan, sissy? Hindi naman p’wedeng sabihin na hinali
