TATLONG araw na ang naka-lipas simula nu’ng pumutok ang balita sa pagkawala ni Historia. Sa mga araw na ‘yon, wala akong tulog... lagi akong tulala at wala ako sa sarili. Apektado ang lahat sa ‘kin dahil hindi rin ako nakakakain ng maayos. Hindi ko pa binisita si Historia sa kan’yang himlayan kahit alam ko na kung saan s’ya nilibing. Wala pa akong lakas ng loob para gawin iyon dahil katulad ng kapatid n’ya, hindi ko rin matanggap ang kan’yang biglaang pagkawala.
Ang sakit-sakit dahil ngayon lang ako nakaranas mawalan ng malapit pa sa 'kin. Itinago ko ang kan’yang liham. Maging si Kuya Logan, nagulat din nu’ng malaman ang nangyari kay Historia. Wala pang alam si Levai tungkol doon. Hindi ko alam kung paano ko sasabihin sa kan’ya dahil hindi pa ako okay. “Ellah, sit down here.” Napa-angat
