Sa sinabing iyon ng kaibigang si Rachel ay nabuhayan ng loob si Calix, alam niyang malalagpasan nilang dalawa ni Samantha ang mga unos na dumating sa kanilang relasyon. Ilang beses na silang binayo ng lalakas na bagyo ngunit nananatili silang matatag. Maaaring minsan ay nabuwag, ngunit muli silang nabuo, kaya hindi niya hahayaan na masira muli ang binuo nilang pamilya.
"Ikain muna natin ito dahil marami pa tayong tatapusing trabaho," ani Rachel.
Napangiti na lamang siya sa narinig na hirit ng kaibigan. Mainam na siguro dahil gutom na rin siya, gayun pa man ay hindi niya maiwasang isipin ang tungkol sa pinag-usapan nila ng biyenan sa paghaharap nila kay Mr. Manalo. Batid niyang hindi ganoon susuko ang lalaki pero dalangin na sana ay hindi kagaya nina Geraldine at Gilbert ito, na gagawin
