Napapayakap si Samantha sa sarili habang nasa balkonahe ng kanilang bahay. Mayamaya ay narinig ang pagbukas ng sliding door kaya mabilis na napalingon at doon ay nakita ang inang nakasuot ng pajama nito.
"Ma, hindi po ba kayo makatulog?" tanong dito dahil usually sa ganoong oras ay tulog na ito. Alas onse na iyon ng gabi.
"Papunta sana ako sa kusina dahil nakalimutan kong magdala ng tubig nang makita kong nakatayo ka rito," turan nito habang papalapit sa kaniya. "Ayos ka lang ba, anak?" untag nitong tanong.
Tumungo siya saka umiling matapos ng ilang segundo. Pilitin man niyang maging ayos pero kahit anong pandaraya sa sarili ay hindi noon maibsan ang sakit na nararamdaman.
Niyakap siya ng ina. "I hate to see you sad," ani ng ina habang panay ang haplos sa likod niya. Hindi niya tuloy m
