Pagdating niya sa ospital ay agad na bumugad ang mga masasayang mukha ng mga anak.
"Mommy!" salubong ng mga ito nang pagbuksan siya ng mama ni Gilbert.
"Salamat, tita," bati niya sa ginang sabay beso rito saka yumukod sa mga anak at hinalikan ang mga ito. "Naku, mukhang pinahirapan niyo ang daddy niyo sa kakulitan niyo, ah," anita sa mga anak.
"Hindi, mommy, good girl ako," mabilis na saad ni Claudine.
"Me too," segunda naman ni Caleb.
Nang lingunin ang asawa ay nakitang buhat nito si Baby Camella, mabilis siyang lumapit sa mag-ama at hinalikan ang bunso na noon ay humagikgik.
"She misses you," ani Calix.
"I miss her too," aniya na binukas ang palad upang kargahin ito na malugod namang ibinigay ni Calix sa kanya saka iginala ang tingin. Wala kasi sa silid ang mag-asawa, bagay na na
