Hindi naman nagtagal ang Mommy Alexa niya dahil may kakatagpuin daw itong amiga nito. Marahil nga tama ang hinala na pinakiusapan lang ito ng ina upang tignan siya.
"Are you really sure na ayos lang kayo ni Calix?" muli pa nitong tanong nang hinatid na ito sa labasan. Napangiti siya rito bago sinagot.
"Opo, Mommy, salamat nga pala sa pagdalaw," magiliw na turan.
"Wala iyon, kung wala nga lang akong pupuntahan ay sasamahan kita rito," hirit pa nito na kinangiti niya. "Bueno ay aalis na ako. Don't forget to lock your doors," paalala pa nito bago umalis dahil pinaghintay lang nito ang kanilang driver.
Pagkaalis nito ay mabilis na tinungo ang kanilang kusina upang tignan kung may maluluto ba siya para sa hapunan nila ni Calix. Mas lalo siyang nasasabik na makasama ito.
Masayang inihanda
